Marcas da chans

Chi chi posseda ün o plüs chans es oblià da cumprar üna marca da chans sainza gnir intimà. Quistas pon gnir retrattas directamaing al fanestrigl o cul formular „Marca da chans“ al fanestrigl online. Las marcas da chans vegnan retrattas da la centrala svizra da bes-chas sparidas www.stmz.ch.

Taxa da chans: guarda ledscha d‘impostas

Scha’l chan moura o schi müda il possessur, esa da comunichar quai a l’administraziun cumünala.

Cuors da chans SKN

Microchip per chans

A basa da la revisiun da l’art. 30 da la ledscha federala davart epidemias da
bes-chas (LFE; CS 916.40), tenor il qual ils chans ston esser marcats e registrats in üna banca da datas, ha il cussagl federal müdà divers artichels da l’ordinaziun davart epidemias da bes-chas (OFE; CS 916.401).

  • Daspö ils 1. lügl 2005 ston gnir marcats tuot ils chans i’l chantun Grischun cun ün microchip il plü tard trais mais davo la naschentscha e registrats illa banca da datas da l’Animal Identity Service SA (ANIS); quai succeda a basa dals art. müdats 16 e 17 OFE e  tenor conclus da la regenza dals 22 favrer 2005 (CR nr. 231).
  • Chans chi sun nats avant ils 1. lügl 2005, chi sun fingià uossa munits cun üna tatuaziun bain legibla o marcats cun ün microchip chi’s lascha leger electronicamaing, nu ston gnir marcats da nouv. In cas cha tals chans nu sun però amo registrats pro l‘ANIS, ston las possessuras ed ils possessuors dals chans pisserar cha lur chan vegna annunzchà a l’ANIS tras ün veterinari fin il plü tard als 31 december 2006.
  • Chans chi sun nats avant ils 1. lügl 2005 e nu sun amo adüna na marcats ston gnir marcats cun ün microchip fin il plü tard ils 1. schner 2007 e ston esser registrats pro l’ANIS.

Davo la registraziun d’üna bes-cha sun tuot ils servezzans da l’ANIS gratuits dürant l’intera vita da la bes-cha.  L’ANIS es adüna ragiundschibel, dürant 365 dis l’on e dürant 24 uras al di per telefon (031 371 35 30) o via internet. Müdadas d’adressa, müdadas da nom, müdadas da possessur eui. sun d’annunzchar subit e directamaing a l’ANIS, indichond il numer da registraziun.

www.anis.ch

Es Sia bes-cha chasana ida a perder? STMZ güda a tscherchar!

Bes-chas nu cugnuoschan ne cunfins ne uras da büro. Perquai spordscha la STMZ Centrala svizra da bes-chas sparidas SA ün post d’annunzcha dürant 24 uras per annunzchar bes-chas sparidas e chattadas in tuot la Svizra!

www.stmz.ch

pro la secziun Uffizi d'abitants