Passaport / carta d'identità

Passaport svizzer

Daspö ils 1. marz 2011 es la Svizra obliada d’emetter l‘uschedit E-Passaport, Passaport 10 (ulteriuras infuormaziuns da l’administraziun federala as chatta qua). Quist as tschüffa be amo pro’ls centers da documaints d’identità regiunals. Per nos cumün es quai:

Center da documaints d’identità regiunal
Chasa cumünala
7530 Zernez
Tel. 081 851 44 00


Uras d‘avertüra:
Lündeschdi fin venderdi da las 08:00 a las 12:00 e da las 13:30 a las 17:00 h

I nu’s sto tour cun sai ingüna fotografia da passaport, quella vain fatta directamaing i’l center da documaints d‘identità.

PersunaDürada da validitàPredsch
Creschüts a partir da 18 ons 10 ons 145.00 CHF (incl. porto)
Uffants e giuvenils fin a 18 ons 5 ons 65.00 CHF (incl. porto)
Uffants fin a 3 ons
3 ons 65.00 CHF (incl. porto)

Temp da furniziun

Il termin da furniziun maximal a partir da la registraziun da las datas biometricas i’l center da registraziun s’amunta a 10 dis da lavur.

Emissiun d’ün passaport svizzer provisoric

Scha’l temp nu basta per dumandar ün passaport ordinari, as poja dumandar pro’l center da documaints d’identità ün passaport provisoric. A basa da quista dumonda emetta l’uffizi da passaport chantunal infra cuort termin ün passaport provisoric.

In cas fich urgiaints po gnir dumandà ün passaport provisoric süllas plazzas aviaticas da Turich, Genevra, Basilea e Lugano.

PersunaDürada da validitàPredsch
Creschüts ed uffants
1 ons
105.00 CHF (incl. porto)

Carta d‘identità

La carta d’identità as survain sco fin uossa pro nus. Per plaschair s’annunzchar persunalmaing pro’l servezzan d‘abitants al fanestrigl per ch’Ella/El possa suottascriver il formular da dumonda cha nus emettain.

Lapro dovrain nus la seguainta documentaziun:

  • Üna fotografia da passaport actuala (na plü veglia co ün on)
  • La carta d’identità veglia (in cas ch’ella es avant man)
PersunaDürada da validitàPredsch

Creschüts a partir da 18 ons

10 ons

CHF 70.00 (incl. porto)

Uffants e giuvenils fin a 18 ons

5 ons

CHF 35.00 (incl. porto)

Uffants fin a 3 ons

3 ons

CHF 35.00 (incl. porto)

Cumbinaziun – passaport svizzer e carta d‘identità

Pro’l center da documaints d’identità regiunal a Zernez daja la pussibiltà da postar a listess temp il passaport svizzer e la carta d’identità in cumbinaziun ed ad ün predsch plü favuraivel.

Dürada da validità / Predsch

PersunaDürada da validitàPredsch

Creschüts a partir da 18 ons

10 ons

CHF 158.00 (incl. porto)

Uffants e giuvenils fin a 18 ons

5 ons

CHF 78.00 (incl. porto)

Uffants fin a 3 ons

3 ons

CHF 78.00 (incl. porto)

Procedura in cas da perdita d’ün documaint d‘identità

La perdita d’ün documaint d’identità sto gnir avisada subit davo la constataziun a la pulizia locala dal lö da sogiuorn. Cun l’annunzcha da la perdita as poja dumandar ün nouv documaint d’identità pro’l servezzan d‘abitants.

Documaints d’identità chi sun gnüts annunzchats sco pers vegnan declerats sco invalabels e nu das-chan plü gnir dovrats. Sch’ün documaint d’identità pers vain darcheu chattà, sto el gnir consegnà ad ün’autorità cumpetenta per l‘emissiun.

Links:

Carta d’identità e passaport svizzer

pro la secziun Uffizi d'abitants