Infuormaziuns davart las impostas

L’uffizi d’impostas infuormescha gugent davart tuot ils fats in connex cun las impostas chantunalas e cumünalas, las impostas sül guadogn tras la vendita da bains immobigliars e las impostas federalas directas.

Nus savain fich grà sch’Ella/El consegna las decleraziuns d’imposta infra il termin. Quai facilitescha nossa lavur, ed Ella/El vain a savair plü bod quantas impostas chi sun da pajar. In cas chi nun es pussibel d’observar il termin da consegna per la decleraziun d‘impostas, schi ch’Ella/El ans inoltrescha infra il termin da consegna üna dumonda in scrit e motivada per prolungar il termin da consegna.