Nossa società es gnüda fundada als 12 november 1952 da 29 chatschaders. Niculin Notegen d’eira seis prüm president. La mera da la società es gnüda formulada aint il artichel 2 dals prüms tschantamaints dals 15 avrigl 1953 seguaintamaing: „[la mera dess esser da] sustegner e mantgnair il sistem da chatscha da patenta, plünavant da chürar e cultivar la sulvaschina e pisserar per ün exercizi da chatscha correct, cumbattand tuot il fraud in qualunque temp.” Schabain cha qualche punct as ha svilupà inavant ed es gnü adattà a la situaziun dal temp, es l’intenziun fundamentala restada la medema. Nossa società organisescha minch’on activitats cumünaivlas co p.ex. dis da custodi, tirs da chatscha, viadis e spassegiadas da cumpagnia, sairadas da chatschaders, radunanzas eui. Nossa società es creschüda successivmaing e dombra hoz 112 commembras e commembers.