Fats d‘immundizchas
Respunsabla per l’allontanamaint da las immundizchas in tuot la regiun es l’Associaziun da cumüns Pro Engadina Bassa.
Las immundizchas da chasa vegnan ramassadas in sachs ufficials cun oblig da taxa. In mincha cumün as rechattan lös da deposit publics (marcats) per quists sachs.
Containers per vaider vegl e PET: In mincha cumün as rechattan lös da deposit publics (marcats) per vaider vegl e PET.
Palperi, chartun, roba bloccanta ed immundizchas specialas pon gnir consegnats pro l’intrapraisa Reto Crüzer SA a Scuol (tel. 081 864 15 81). Uras d’avertüra: da lündeschdi fin venderdi, 07.30 – 12.00 / 13.30 – 17.30
Apparats electrics d‘economia ed apparats electronics piglia incunter la ditta Reto Crüzer SA a Scuol (081 864 15 81).
Medicamaints vegls vegnan tuts in consegna gratuitamaing als seguaints lös:
- Apoteca Engiadinaisa, Stradun, Scuol
- Drogaria Paradis, Clozza, Scuol
- Intrapraisa Crüzer, Manaröl, Scuol