Infuormaziuns davart il militar
Fats da militar e da protecziun civila
- Oblig d‘annunzcha
- Dumonda per spostar il servezzan militar
- Ün eventual congedi a l‘ester
Oblig d‘annunzcha
Persunas cun oblig d’annunzcha pel militar han d’inoltrar a l’administraziun cumünala il cudaschin da servezzan militar resp. da protecziun civila in cas d’arriv, partenza o müdada d’adressa infra il cumün.
Clomada
Dal placat da clomada per prestar servezzans da militar as poja tour invista illa chascha da publicaziuns sper la chasa cumünala a Sedrun e pro la plazza cumünala a Rueras o suot il seguaint link :
Dumonda per spostar il servezzan militar
Dumondas per spostar cuors da repetiziun sun d’inoltrar in scrit a l’uffizi da militar e da protecziun civila, Steinbruchstrasse 18, 7001 Cuoira.
Congedi a l‘ester
Persunas cun oblig d’annunzcha pel militar chi van a l’ester han d’observar il seguaint:
Sogiuorns a l’ester fin a maximalmaing 12 mais
In quist cas nu douvran las persunas cun oblig d’annunzcha ingün congedi a l’ester e nun annunzchan lur partenza pro lur cumün da domicil. Ellas han d’observar il seguaint:
- Ellas pisseran pel contact cun lur cumün da domicil, annunzchond l’adressa transitoria o incumbenzond a terzas persunas da mantgnair la colliaziun.
- In cas ch’ün servezzan militar crouda i’l temp d’ün sogiuorn a l’ester, sto gnir inoltrada ad uras üna dumonda per spostar il servezzan militar.
- Persunas cun oblig da tir inoltreschan eventualmaing üna dumonda per dispensaziun da l’oblig da tir.
Sogiuorn a l’ester sainz’interrupziun da passa 12 mais
- Persunas cun oblig d’annunzcha chi van a l’ester per passa 12 mais sainz’interrupziun e chi annunzchan lur partenza da dret civil dal cumün douvran ün congedi a l‘ester.
- La dumonda per ün congedi a l’ester es d’inoltrar ad uras – per regla 2 mais avant la partenza – a l’uffizi da militar e da protecziun civila.